දුම්රිය එන්ජින් 20කට ආසන්න සංඛ්‍යාවක් ඉන්දියාව විසින් මෙරටට ලබාදීම සඳහා එකඟතාව පළකර ඇති බව දුම්රිය දෙපාර්තමේන්තුව සඳහන් කර සිටිනවා.
ඉන්දියාව විදුලි දුම්රිය ධාවනය සඳහා යොමු වීමත් සමඟ භාවිතයෙන් ඉවත් කළ දුම්රිය එන්ජින් කිහිපයක් මෙරටට ලබාදීමට එකඟතාව පළකර ඇති බව දුම්රිය දෙපාර්තමේන්තුව පවසනවා.
එම දුම්රිය එන්ජින් මෙරටට යෝග්‍ය වන්නේ ද සම්බන්ධයෙන් සොයා බැලීම සඳහා ඉදිරියේ දී තාක්ෂණික කණ්ඩායම ඉන්දියාව වෙත යැවීමට තීරණය කර ඇති බව ද සඳහන් කර සිටිනවා
අනතුරුව එම දුම්රිය එන්ජින් මෙරටට ලබා ගැනීමට පිළිබඳව තීරණයක් ගැනීමට නියමිත බව වාර්තා විය.
