Tuesday, April 23, 2024
spot_img
මුල් පිටුවLocalදේශබන්දු සහ රෝහිත හොරු බව ප්‍රකාශ කරමින් කාන්තාවක් ෆේස් බුක් තුළ පෝස්ට්...

දේශබන්දු සහ රෝහිත හොරු බව ප්‍රකාශ කරමින් කාන්තාවක් ෆේස් බුක් තුළ පෝස්ට් පල කරලා – තමාගේ වරප්‍රසාද කඩ වූ බවට රෝහිතගෙන් චෝදනා

කළුතර කටුකුරුන්ද ප්‍රදේශයේ කාන්තාවක් සමාජ මාධ්‍ය ඔස්සේ පළ කළ සටහනක් හේතුවෙන් තමාගේ වරප්‍රසාද කඩ වී ඇති බැවින් ඇය වරප්‍රසාද කමිටුව හමුවට ගෙන්වන ලෙස ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන අද (21) පාර්ලිමේන්තුවේ දී කථානායකවරයාගෙන් ඉල්ලා සිටියේය.

පාර්ලිමේන්තුවේදී වරප්‍රසාද ප්‍රශ්නයක් මතු කරමින් පාර්ලිමේන්තු මන්ත්‍රී අබේගුණවර්ධන කියා සිටියේ තමා සහ වැඩබලන පොලිස්පති දේශබන්දු තෙන්නකෝන් හොරු බවත් වහාම අත්අඩංගුවට ගත යුතු බවත් එම සමාජ මාධ්‍ය සටහනේ තිබුණු බවය.

තමන්ගේම ෆේස්බුක් ගිනුම හරහා මෙම කාන්තාව තැබූ සටහන තමනව බරපතල ලෙස අපහාසට ලක් කර ඇති බවත් සටහන තැබූ කානන්තාව මුලු කළුතරම දන්නා වර්ෂ 2015 දී මැතිවරණයටත් එක් වුන කාන්තාවක් බවත් මන්ත්‍රීවරයා පෙන්වා දුන්නේය.

“මේ කාන්තාවගෙ නම ලලන්ති පෙරේරා… කේක් නෝනා කිව්වම මුලු  කළුතරම දන්නවා..”

ඔහු කිවේය.

මන්ත්‍රීවරයා කියා සිටියේ පාර්ලිමේන්තු මන්ත්‍රීවරයෙකු ලෙස තමාගේ වරප්‍රසාද මෙම “පොස්ට් එක” හරහා උල්ලංඝණය වී ඇතිවා පමණක් නොව තමන් ජිවිත තර්ජන අවදානමක පසුවන බවය.

මන්ත්‍රීවරුන් 225 දෙනාම මෙවැනි මඩ ප්‍රචාරවලට එරෙහිව නැගී සිටිය යුතු බවත් ඊට එරෙහිව ක්‍රියාමාර්ග නොගන්නේ නම් මාර්ගත ක්‍රම පිළිබඳ ආරක්ෂණ පනත පැනවීම තේරුමක් නැති බවත් ඔහු පැවසීය.

RELATED ARTICLES

ඊ-මේල් මගින් පිලිතුරු දෙන්න එය පිට

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

Most Popular

Recent Comments