Thursday, April 18, 2024
spot_img
මුල් පිටුවLocalවතුර හරවන්න ගිය ගොවියාට T-56න් ඔලුවට පහර දීලා – නොච්චිකුලම උණුසුම් කරමින්...

වතුර හරවන්න ගිය ගොවියාට T-56න් ඔලුවට පහර දීලා – නොච්චිකුලම උණුසුම් කරමින් ගම්මුන් වීථි බසිති !

මන්නාරම නොච්චිකුලම ප්‍රදේශයේ ගොවියකුට පුද්ගලයෙක් විසින් ටී-56 වර්ගයේ ගිනිඅවියකින් පහර දී පලා යාමේ සිද්ධියකට විරෝධය පළ කරමින් එම ගම්මානයේ වැසියෝ මැදවච්චිය – මන්නාරම් ප්‍රධාන මාර්ගය නොච්චිකුලම ප්‍රදේශයෙන් අවහිර කොට විරෝධතාවයක නිරත වී තිබෙනවා.

සිය කුඹුරට වතුර හරවමින් සිටිය දී ගොවියාට පහර දුන් පුද්ගලයා ගිනිඅවිය ඒ මේ අත හැරවීමේ දී ගිනි අවිය ක්‍රියාත්මක වී වෙඩිල්ලක් පත්තු වූ බවද පහර කෑමට ලක් වූ ගොවියා ප්‍රකාශ කරයි.

තමන්ට එම පුද්ගලයා පහර දෙන ලද්දේ කවර හේතුවක් මත දැයි තමන් නොදන්නා බවත් ප්‍රහාරයට පැමිණි අයව තමන් නොහඳුනන බවයි ඔහු වැඩිදුරටත් පවසන්නේ.

මෙම පහර කෑමෙන් තුවාල ලැබූ ඔහු මුරුන්කන් රෝහලට ඇතුළත් වී ප්‍රතිකාර ලබන අතර මේ සිද්ධියට සම්බන්ධ පුද්ගලයා වහාම අත්අඩංගුවට ගන්නා ලෙස ඉල්ලමින් නොච්චිකුලම ගම්මානයේ වැසියෝ විරෝධතාවයේ නිරත වී තිබෙනවා.

මෙම විරෝධතාවය නිසා මැදවච්චිය මන්නාරම් මාර්ගයේ වාහන ගමනාගමනය පැය හතරක පමණ කාලයකට නතර වී තිබූ අතර, පොලිසිය පැමිණ විරෝධතාකරුවන් සමඟ සාකච්ඡා කිරීමෙන් පසුව ගම්වාසීහු විරෝධතාවය අතහැර දමා තිබෙනවා.

සැකකරු අත්අඩංගුවට ගැනීම සඳහා උයිලන්කුලම පොලිසිය පරීක්ෂණ ආරම්හ කොට තිබෙනවා.

RELATED ARTICLES

ඊ-මේල් මගින් පිලිතුරු දෙන්න එය පිට

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

Most Popular

Recent Comments