Thursday, April 18, 2024
spot_img
මුල් පිටුවLocalකුරුණෑගල ශික්ෂණ රෝහලේ රෝගීන් හදිසියේ මිය යයි – රුධිර කාන්දුකරණ ඒකකය වහාම...

කුරුණෑගල ශික්ෂණ රෝහලේ රෝගීන් හදිසියේ මිය යයි – රුධිර කාන්දුකරණ ඒකකය වහාම සීල් තබයි!

කුරුණෑගල ශික්ෂණ රෝහලේ වකුගඩු රෝගීන්ගේ රුධිර කාන්දුකරණ ඒකකයට මුද්‍රා තබා තිබෙනවා.

ඒ, විෂබීජයක් ඇතුළු වීම හේතුවෙන් අදාළ තීරණය ගෙන ඇති බවයි වාර්තා වන්නේ.

රුධිර කාන්දු ඒකකයේ ප්‍රතිකාර ලබමින් සිටි රෝගීන් පිරිසක් මිය යාම හේතුවෙන් එම ඒකකයට තාවකාලිකව මුද්‍රා තැබීමට කටයුතු කළ බවයි, රෝහල් ආරංචි මාර්ග සඳහන් කළේ.

රුධිර කාන්දුකරණය සඳහා ලබා දෙන රසායනික ද්‍රව්‍යයක බලපෑම ඊට හේතුවන බවට නිලධාරින් සැක කරනවා.

සතියක පමණ කාලයක සිට මේ වන තෙක් රුධිර කාන්දුකරණ ඒකකයට ඇතුළත් වූ රෝගීන් පස් දෙනෙකු පමණ මිය ගොස් ඇති බව සඳහන්.

කෙසේ වෙතත් මෙම සංඛ්‍යාව මීට වඩා ඉහළ සංඛ්‍යාවක පවතින බවයි, රෝහල් ආරංචි මාර්ග සඳහන් කළේ.

කෙසේ වෙතත් මෙම මරණවලට නිශ්චිත හේතුව මේ දක්වා අනාවරණ වී නැහැ. මෙම සිද්ධිය සම්බන්ධයෙන් සෞඛ්‍ය අමාත්‍යංශය පරීක්ෂණ ආරම්භ කර ඇති බව වැඩිදුරටත් සඳහන්.

RELATED ARTICLES

ඊ-මේල් මගින් පිලිතුරු දෙන්න එය පිට

කරුණාකර ඔබගේ අදහස් ඇතුළත් කරන්න.
කරුණාකර ඔබගේ නම ඇතුලත් කරන්න

Most Popular

Recent Comments